Reëls, bepalings en voorwaardes

• Podiumpret is enig in sy soort: ‘n OPLEIDINGSkompetisie waar beginners leer om met selfvertroue van die begin af die regte dinge te doen en ervare sprekers leer om hulle toesprake en aanbiedingsvaardighede te verfyn.
• Kommunikasie vind hoofsaaklik via Whatsapp plaas, maar ook per e-pos.
• Deelnemers kan privaat of deur hulle skool inskryf.
• ALLE inskrywings word aanlyn gedoen vanuit “Winkel” op die hoofbanier van Podiumpret.co.za en word voltooi op die kompetisieportaal (Kompetisie.podiumpret.co.za). Video’s word op die Portaal gelaai. Terugvoer is ook op die Portaal beskikbaar nadat die item beoordeel is..
• Deelnemers skryf APART in. Indien daar 3 kinders in ‘n gesin is en al drie neem deel, word drie (3) inskrywings gedoen. Kies telkens die Elektroniese betaalopsie en betaal ‘n enkelbedrag oor aan die einde van die inskrywings. Stuur die bewys van betaling sowel as ‘n volledige opsomming van die kandidate, hulle grade en die items waaraan hulle deelneem na 083 415 9083. Sodra die betalings ontvang is, sal ‘n boodskap aangestuur word wat aandui dat die inskrywings op die Portaal voltooi kan word.
• Inskrywings sluit per provinsie en per ronde op verskillende datums. Raadpleeg die Reisproram ons “Kompetisies 2025”.
• Laat inskrywings sal slegs aanvaar word indien die program dit toelaat.
  
• Toesprake wat reeds in hierdie kompetisie gelewer is, mag nie weer aangebied word nie. Dit sal diskwalifikasie vir die item tot gevolg hê.
• Indien die spreker aan ander items deelneem, mag voortgegaan word met daardie items vir die res van die kompetisie.
  
• Tydsduur van aanbiedings moet eerbiedig word, maar sal slegs in die finaal gebruik word indien daar ‘n dispuut rondom die 1e plek is. Die spreker wat die voorgeskrewe tyd eerbiedig het, sal as wenner kwalifiseer. Beoordelaars behou die reg voor om ‘n toespraak kort te knip wanneer dit die tyd met 1 minuut of langer oorskry.
  
• Kleredrag vir optredes: Verkieslik skooldrag. Storievertellers dra waarin hulle gemaklik is.
  
  
• Verskillende rondes mag op verskillende platforms aangebied word. Deelnemers mag in die eerste en derde rondes kies of hulle aanlyn of in persoon wil deelneem.
• In 2025 is die 2de ronde vir almal ‘n video-ronde.
  
  
• Die formaat van video-aanbiedings moet ten alle tye as aanbiedings opgeneem word (die Voorsitter en die gehoor is dus “binne” die kamera).
• Betaal die korrekte bedrag soos op die staat aangedui wanneer jy aankope doen.
• ‘n Payfast-betaling is betroubaar en laat die proses seepglad verloop.